حكاية حبنا صارت كذا شوم

متى مارحت باساهن رجوعك××وبترقب وصالك في قدومك
سهير الليل نا مانعرف النوم××شقا والجرح فيني دايم الدوم

____________________________
على صوتك بليلي والعشيه ××نردد مسمعه وابلا هنيه
وذا حضي كذا ماله بها لوم××شقا والجرح فيني دايم الدوم

____________________________
منى عيني نشوفك ذي قبالي××وتبقى لي من اعظم حلالي
نسير ابدربنا ونساير القوم××شقا والجرح فيني دايم الدوم

____________________________
علنت اليوم لي هجرك وصدك××وخنت العهد لي كانه بيدك
عذابي والالم قد حرٌم الصوم××شقا والجرح فيني دايم الدوم

____________________________
من الاول حياتي هي عسيره××وحالي يشتكي وش بايجيره
وعيبك في الهوى ماتعرف العوم××شقا والجرح فيني دايم الدوم

____________________________
رسيت الكل عابحرك وساسي××تركتك تقتحم كل الاماسي
ويومي من عرفتك خسها يوم××شقا والجرح فيني دايم الدوم

____________________________
زمن في وقتنا عايب وخالف××ولاحد في المحبه سار عارف
تكلم لامتى فيني تبى سوم××شقا والجرح فيني دايم الدوم

____________________________
هديته قلب واحساس ومشاعر××ونا في خدمته ماضي وحاضر
وحبي له في دنيا وهو كوم××شقا والجرح فيني دايم الدوم

____________________________
وش اللي غيرك واخفاك عني××ولي كانه معي لك بالتمني
غليتك والحشى ذوقتني الحوم××شقا والجرح فيني دايم الدوم

____________________________
جزا المعروف كاني قد بغيتك××وفوق الناس عالي كان سيطك
حكاية حبنا صارت كذا شوم××شقا والجرح فيني دايم الدوم

للشاعر(بومطلق التميمي)

صح لسانك يابومطلق ودومك مبدع في الشعر نتظر كل جديدك