سر ياتميم الليل

قم ياتميم الليل واخطف من معايير الثقال
واحمل بها واسري على خيلك بذيك العاليه
خل الحسد لاهل الحسد والمقولي للي يقال
من ساير المذموم ما تلقى عيوبه خاليه
سر ياتميم الليل واعبر رالي الصحراء وعود
من لايقدر خوتك في صفحتك خله ينود
__________________________________
شل ذكرياتك في خلا دربك ولاتعطي مجال
واليا صفت بينك وبينه عالشموس القايله
حاول ترجع مامضى لوهي على دم وقتال
ما قد سرح يضوي ولاشي في المحبه تاليه
سر ياتميم الليل واعبر رالي الصحراء وعود
من لايقدر خوتك في صفحتك خله ينود
__________________________________
في القايمه عد الشيم والمعركه عد الرجال
من قد تشبه بالنمر وقت الشدايد زايله
ياكثرهم عندالسلى والضيق لاوالله محال
ماعذرهم جاهز وحاضر لابغيته حاليه
سر ياتميم الليل واعبر رالي الصحراء وعود
من لايقدر خوتك في صفحتك خله ينود
__________________________________
ذي مانطق به هاجسي هي والحليله بالطوال
لا ماعرف قصر الموده وانكسر به مايله
يدي بيدك يالخوي وبصوبهم نرمي النبال
غالي ولد غالي ولك في القلب ذكرى غاليه
سر ياتميم الليل واعبر رالي الصحراء وعود
من لايقدر خوتك في صفحتك خله ينود
___________________________________

للشاعر (بومطلق التميمي)

صح لسانك يابومطلق ودومك مبدع في الشعر نتظر كل جديدك

» غداري الليل
» محشش يشرح لزوجته معنى الليل